عندما يختلف الحرامية



وتتوالى الاستقالات من الحزب الوطنى الديمقراطى

هذا الخبر يسعدنى كثيرا عندما اجد كل يوم ان اعضاء الحزب الوطنى وانا اسف انى بقول علية حزب انهم بيقدموا استقالاتهم من حزب المجاملات الشخصية وحزب المصالح

وكان اعتراض هؤلاء الاعضاء الذين قدموا استقالاتهم

هى ترشيحات الحزب الوطنى الديمقراطى فى انتخابات المحليات

حيث ان الترشيحات جاءت مجاملة لاشخاص على حساب اشخاص اخرى

ولعبت فيها دور المصالح الشخصية

عجبا حقا اليس هم يعلمون انهم من الاصل فى حزب المجاملات وحزب المصالح الشخصية

لكن يبدو ان هذة المرة كانت المصلحة مغايرة فكل عضو من الحزب الياه كان يطمع فى النزول للمحليات وذلك لمزيد من الفساد والنهب من المال العام

لكن جاءت الترشيحات مخيبة للامال

واقصت الكثير من الكوادر الاصلاحيين السياسين فى الحزب على حد قولهم

وجاءت ترشيحات المحليات مجاملة لاشخاص على اشخاص اخريين ولعبت فيها المصالح

علما بان هذا الحزب هو اساس المجاملات والمصالح وان غاليبية اعضاؤه انضموا للحزب لقضاء مصالحهم الشخصية

والغريب من ذلك انهم ذكروا ان الانتخابات فى الحزب الوطنى نفسة كان فيها تزوير وتلاعب

الغريب انهم مستغربون وهم اساس تزوير الانتخابات

حقا هذة المرة اختلف فيها الحرامية

وكل عضو منهم يريد اخذ قطعة من التورتة او العزبة بتاعت مبارك

انا سعيد جدا لما يدور الان فى بما يسمى الحزب الوطنى الديمقراطى

والمهم لا هو حزب فعلا ولا وطنى ولا ديمقراطى

يلا يغور فى داهية

موضوع هام وخطير وشائك

عند انضمامى لكلية الاداب لاحظت مؤخرا ان بعض دكاترة الكلية تهين الطلبة وتسبهم
وطبعا انا مكنتش حاسس بكدة فى كلية الحقوق لان الدكاترة كانت بدرس لنا القانون ومكنتش تقدر تخالفة وكمان الدكاترة محترمة عندنا فى الكلية
وطبعا احنا مكناش هنسكت

لكن عند انضمامى مؤخرا لكلية الاداب لاحظت ان بعض الدكاترة تهين الطلبة وتسبهم
والطلبة للاسف بتخاف وتترعب من الدكاترة طبعا ظنا منهم انهم الهة لايجب مخالفتهم
او يخشون الرسوب فى الامتحان

اين الكرامة و عزة النفس

لا معنى لشهادة جامعية فى مقابل ان يفقد حاملها احترامة لنفسة ويفقد كرامتة

ولــــذا
بنـــــاء عليــــــــــة

قررت الاتى

انة لا تهاون بعد الان فى هذا الامر الخطير

وانا على اتم استعداد ان لو دكتور فكر يعمل دة معانا
هيبقى يوم اسود

اولاـ لو فكر ان يسبنى هذهب لقسم الجيزة لانه المختص وهعمل محضر


ثانيا ـ هاخذ نسخة من المحضر وهكتب شكوى منى او جماعية لكل الطلاب اللى بيتهانوا الى كلا من


عميد الكلية

رئيس الجامعة
وزير التعليم العالى

وذلك لكل من يسول له نفسة من الدكاترة ان يهين اى طالب

ولا يهم ان يفصلنى او ارسب فى الامتحان
فانا لا اخشى إلا الله

الكرامة فوق الجميع

وعلى ذلك اى طالب لا يسمح باهاناته انا عل ىاتم استعداد ان اساعدة للوصول الى حقة
إلا لو كان خايف من الدكتور ومش مهم عندة كرامته


وهذا لا يعنى اننا نحترمهم ونكن لهم كل احترام وتقدير لكن عن الاهانة لا تهاون

الضرائب مصلحتك أولا

الضرائب مصلحتك أولا
كما يزعمون

بصراحة انا كل شوية بلاقى هذا الاعلان الإستفزازى على التلفزيون اللى بطلة محمد شومان
ويطل علينا بان نعامل ضميرنا واننا نفتح صفحة جديدة مع الضرائب
وندفع الضرائب فى مواعيدها والا نهرب من دفع الضرائب
وكل دة لية
اصل الحكومة بتبنى مدارس بيها ومستشفيات وكبارى دة اهم حاجة طبعا
وكمان بدعم الاشياء الاستيراتيجية
هما اللى بيقولوا والله مش انا

طبعا الكلام دة بيضحك اوى
المدارس الطلبة مش بيتعلموا فيها وبيعتمدوا على الدروس الخصوصية وكمان المدارس قليلة علشان كدة بنجد اكثر من 60 طالب فى فصل واحد
المستشفيات اللى بيكلموا عنها الناس بتدخل فيها بتتسرق كليتها او احد اعضائها ومفيش رعاية كافية
وكمان الضرائب بيتمول بيها الجرائد القومية اللى هى اصبحت جرائد حكومية
والدعم اللى بيتكلموا علية مش صحيح إلا لو كانوا يقصدوا دعم مصر لاسرائيل الغاز الطبيعى لمدة 20 سنة بارخص من السعر المحلى

الشعب بيموت ومش لاقى شغل
وكل دة وعايزين كمان يدفعوا ضرائب

وكلة كوم وضرائب المبيعات كوم تانى
منك لله

انا
بصراحة كل ما اجد فرصة للتهرب من الضرائب مش هفوتها علشان الحكومة بتسحقش
الضرائب حاليا اصبحت فى مصر توجة لخزائن المسئولين فى بنوك سويسرا

منك لله
حسبى الله ونعم الوكيل


ارتفاع اجرة المواصلات دون زيادة

طبعا العنوان غريب شوية صح ازاى الاجرة ارتفعت لكن دون زيادة
انا هقولكم ازاى
انا طريقى من البيت للجامعة الجراج _ارض اللواء_جامعة القاهرة
حاليا ومن فترة بعيدة الى حد ما سواقين الميكروباص اللى هى عربيات الجمعية التعاوينة بيقطعوا الطريق
يعنى العربية بدل ما تذهب من الجيزة الى امبابة
بتذهب من الجيزة الى بولاق اجرة وبعد كدة من بولاق الى ارض اللواء اجرة وبعد كدة من ارض اللواء او ميدان لبنان الى امبابة اجرة
وكدة بدل الواحد كان بيدفع من الجيزة الى امبابة نصف جنية
بيدفع جنية ونصف
وطبعا العكس صحيح من امبابة الى الجيزة نفس الموضوع
وعلى قاطنى فيصل و الهرم نفس الموضوع بيحصل بالاخص ساكنى الطوابق او مطبعة فى فيصل والهرم
حاليا سائقى عربيات الجمعية التعاونية بيقطعو الطريق الى ثلاث مراحل
وكدة الاجرة تزيد الضعف او الضعفين
طب موقف الراكبين اية كانوا بيتخانقوا اول الامر ولكن بعد كدة اتعودوا وفضلوا ساكتين
طب موقف الحكومة بقى اية المفروض يكون فية رقابة
الحكومة فضلت ساكتة ساكتة
بالمقابل ممكن امين الشرطة ياخد اللى فية النصيب من السواق
طب موقف المحليات اللى الفساد وصل فيها للركب وفية انتخابات قادمة
المحليات فضلت ساكتة ساكتة

وعلى فكرة ممكن تكون الحكاية دة بتحصل فى اماكن مختلفة لكنى لم ادرى عنها شيئا
ما اهو انت اكيد اكيد فى مصر

طب الحل اية ؟؟؟؟
مش عارف ومنتظر حد يقولى

ما شربتش من نيلها

ماشربتش من نيلها

طبعا دة اغنية شيرين اكيد كلنا سمعناها وهى بتغنيها على شاطىء النيل

وطبعا سمعنا كتير ان اللى بيشرب من مياة النيل بيرجع مصر تانى

بس انا اشك فى كدة على ما اعتقد ان اللى بيشرب من مياة النيل بيرجعش خالص لانة بيكون مات اصلا هههه

طبعا انتم ممكن تستغربوا من كلامى وتتحاملوا على

طب انا هقولكم على حاجة

من زماااان وانا كنت فى ثانوى كنت باخد مادة الجيولوجيا والعلوم البيئية

عرفت ان مياة النيل عشان تكون صالحة للشرب لازم تمر بثلاث مراحل تكرير حتى تكون صالحة للشرب

والكارثة ان مياة النيل فى مصر يدوب بتعدى على مرحلة واحدة والله دة اللى خدتة

وكمان المصيبة اننا اكتر دولة بنضع نسبة عاليو جدا من الكلور فى المياة عشان احنا مش بنكررها وبنريح دماغنا ونحط كلور ومش بعد كدة حياة المصريين من شرب مياة النيل الملوثة

وانا كمان قرين فى جريدة الاخبار اللى هى جريدة قومية طبعا ان مصر بتصرف سنويا 2 مليار جنية علشان تعالج المصريين من الامراض الناتجة عن التلوث طب ما تتنقية مياة النيل ارخض مش عارف والله

وكمان خدوا عندك الكام معلومة دة على الماشى

يتعرض نهر النيل إلي صرف صناعي يحتوي علي مواد كيماوية وعناصر ثقيلة وذلك من خلال صرف 34 منشأة صناعية تقع علي ضفتيه وتقوم بالصرف المباشر بمخلفاتها السائلة علي نهر النيل بين أسوان والقاهرة .

ويتعرض النيل إلي استقبال صرف زراعي يقدر حجمه سنوياً بـ6 مليار متر مكعب والذي يحمل معه بقايا ومخلفات المبيدات والاسمدة الكيماوية المستخدمة في المحاصيل الزراعية .

ويصب في نهر النيل وعلي كل امتداده صرف الاستخدامات المنزلية من المياه العذبة وهو صرف غير معالج ويقدر حجمه بـ 1.7 مليار متر مكعب سنوياً وبالتالي فهو محمل بالعناصر الثقيلة . وعمليات الصرف السابقة التي تتم علي نهر النيل تتسبب بالطبع في تدهور نوعية المياه بنهر النيل والقضاء علي التنوع البيولوجي بما يعنيه ذلك وهو يحدث فعلاً القضاء علي الثروة السمكية بنهر النيل وهو الامر الذى ستتأثر به الصحة العامة للمواطنين ومواردهم الغذائية .

كل دة وعايزينا نشرب من نيلها

لو مش مصدقنى ممكن تعملوا تجربة بسيطة وهى انكم تضعوا قطعة قطن على صنبور المياة لاخر اليوم فقط وهتشوفوا النتيجة

هيجى واحد يقولى ممكن نجيب الجهاز اللى بينقى المياة

هرد علية واقولة طيب هات الجهاز بس مش التقليد يعنى ثمنة بيعدى الالف جنية ومينساش يجيب اكتر من واحد عندة فى البيت يحطة على كل صنيور مياة

وطبعا اوعى يشرب من اى مياة خارج المنزل ولو عطش وهو برة ممكن يرجع البيت يشرب وبعد كدة ينزل

او ممكن يجيب مياة معدنية بثلاث جنيهات او اكتر بس يخلى بالة لحسن دة كمان طلعت مغشوشة

الحل اية ؟؟؟؟

اننا من نشرب من نيلها ونموت بكرامتنا احسن ههههههه

Blogger Templates by Blog Forum