مترو الانفاق للسيدات فقط




من غير تحيز ولاعنصرية بصراحة مترو الانفاق اصبح للسيدات

انا طبعا والله مع انى يكون فى عربات مخصصة للسيدات ودة شىء جميل جدا

وان يكون ليها اوقات محددة كمان

لكن للاسف اولا بالنسبة للاوقات المفروض تكون للساعة السادسة لكن هى بتكون الى اخر اليوم ماشى مفيش مشاكل

لكن المشكلة ان السيدات مش كلهم طبعا بيتركوا عربات السيدات وبيزحمونا فى عرباتنا

ولو احنا اجرءنا وركبنا عربات السيدات غلط ندفع غرامة فورية لكن العكس غير صحيح

هيجى واحد يقولى افرض ان واحد ومعاة مراتة هقولة يعنى مش شمكلة لما مراتة تروح عربية السيدات وهو يروح عربية الرجال يعنى بيحبوا بعض اوى كدة ومش قادر يستغنى عنها

انا سألت واحدة زملتى فى الحكاية دة وقالتلى_انهم بيغلسوا علينا عشان ممكن راجل يقوم ويقعد السيدات

وفى سيدات بتستهل وتركب عربية الرجال

والوضع يبقى عربية السيدات فاضية او بتكون رايئة جدا لكن عربية الرجال بتقى زحمة وعرق وارف ومايعلم بيها الا ربنا

بصراحة ربنا مبيرضاش بالظلم

لو عايزين عربيات للسيدات يبقى المفروض يلتزموا بيها ويكون فى غرامة على السيدات اللى بتيجى عربية الرجال او انهم يلغوا عربية السيدات بالاخص انهم غيروا اماكن عربيات السيدات فى المترو وبقت فى الاول وفى الاخر

احنا كدة ممكن الرجالة نعمل مظاهرة للمناداة بالمساواه مع السيدات

7 التعليقات:

    بسم الله
    اولا مدونتك جميله وموضوعاتك حلو ودى اول زيارة ليا ووصلت لمدونتك بالصدفه بس الحمد لله وياريت تتقبل تعليقى
    اما بالنسبه للموضوع اما الستات تروح عربيات الرجاله سيبوهم وروحو عربياتهم ايه المشكله يعنى
    هما راحو عندكم وانتو روحو مكانهم هههههه
    والله المستعان

    كنت في القاهرة قريب

    خارجة من محطة المترو

    لاقيت شاكلة جبارة

    واحدة ست ماسكة راجل وبالشوز لا مؤاخذة وعلي دماغه

    طبعا من غير ما ااقول عارفين ليه

    تحرش بقي


    لولا امن المترو نجدوه

    كان مات في ايدها ويستاهل

    لانه دخل في عربة السيدات

    انا شايفة ان العكس الي بيحصل

    الرجال هما الي بيحتلوا عربيات السيدات

    اما لو حصل العكس

    فاكيد لانهم بيكونوا مع احد ااقاربهم مثلا

    انا بطالب بعدم دخول الرجال عربات السيدات في المترو

    والا

    فالبشوز لامؤاخذة

    ولا عزاء للمتحرشين

    تحياتي

    للفت النظر ده

    مفيش حاجه اسمها عربية الرجال
    المترو للجميع الا عربتين للسيدات
    يعنى انت عايز كل السيدات يككونوا فى عربيتين و الباقى كله للرجال
    ايه الظلم ده

    تحياتى

    امممممممممممممم

    والله انا عن نفسي بركب عربيات السيدات

    بس ممكن وحده تكون ماشية علي الرصيف ويجي المترو متلحقش تروح للعربيات السيدات لانها في اول الرصيف
    وفيه سيدات بتكسل تمشي فبتركب اول العربية امام الماكينه

    بس انا عن نفسي بركب عربيات السيدات علشان اقعد برحتي ومحدش يفضل يبص عليا
    ههههههههههههه

    اصلي بتكسف
    موضوع جميل احيك عليه
    لك كل التحية
    رودي

    al_qassam
    اهلا بيكى فى مدونتى المتواضعة
    المشكلة اننا معندناش عربيات مخصصة لينا وكمان لو احنا روحنا عربيات السيدات هندفع غرامة لكن العكس غير صحيح


    بنت الاسلام
    حرام عليكى والله
    انتى مبرتكبيش المترو احنا لو رحنا عربيياتكم هندفع غرامة انزلى وشوفى بنفسك
    لكن انتم اللى بتحتلوا عربياتنا حرام عليكم سبونا بقى نعرف نركب زيكم
    وحكاية القرايب مش هيجرى حاجة لو انتى مثلا رحتى عربية السيدات وقريبك راح عربية الرجالة
    القيامة مش هتقوم

    مريم
    انا عارف ان مفيش عربيات للرجال بس انا بحلم بكدة حلم بقى
    وحكاية عربيتين للسيدات انتى قصدك ان عربيتين للرجال فقط والباقى سيدات
    دة ربنا ميرضاش بالظلم

    بنوتة مصرية
    اهلا بيكى مرة ثانية
    ياريت السيدات كلهم زيك ويرحيونا ويلتزموا دة الالتزام حلو والله يا جماعة

    البلوج جميلة وهادفة
    والبوست كمان هايل انك بتعلق ع الموضوع ده

    هو انا نادر لما بركب المترو
    بس عايزة اقولك ان الواحد من الخوف ان البوبات تقفل و يفوتوا المترو ده هو اللى يخلية يركب عربات مخالفة

    وبعدين انا اسمع ان فى عربيتن لسيدات فقط

    والباقى للجميع بدون فارق يعنى مفيش عربيات متخصصة للرجال

Blogger Templates by Blog Forum