أرتفاع اجرة المواصلات دون زيادة
Monday, March 3, 2008 by سقراط
ارتفاع اجرة المواصلات دون زيادة
طبعا العنوان غريب شوية صح ازاى الاجرة ارتفعت لكن دون زيادة
انا هقولكم ازاى
انا طريقى من البيت للجامعة الجراج _ارض اللواء_جامعة القاهرة
حاليا ومن فترة بعيدة الى حد ما سواقين الميكروباص اللى هى عربيات الجمعية التعاوينة بيقطعوا الطريق
يعنى العربية بدل ما تذهب من الجيزة الى امبابة
بتذهب من الجيزة الى بولاق اجرة وبعد كدة من بولاق الى ارض اللواء اجرة وبعد كدة من ارض اللواء او ميدان لبنان الى امبابة اجرة
وكدة بدل الواحد كان بيدفع من الجيزة الى امبابة نصف جنية
بيدفع جنية ونصف
وطبعا العكس صحيح من امبابة الى الجيزة نفس الموضوع
وعلى قاطنى فيصل و الهرم نفس الموضوع بيحصل بالاخص ساكنى الطوابق او مطبعة فى فيصل والهرم
حاليا سائقى عربيات الجمعية التعاونية بيقطعو الطريق الى ثلاث مراحل
وكدة الاجرة تزيد الضعف او الضعفين
طب موقف الراكبين اية كانوا بيتخانقوا اول الامر ولكن بعد كدة اتعودوا وفضلوا ساكتين
طب موقف الحكومة بقى اية المفروض يكون فية رقابة
الحكومة فضلت ساكتة ساكتة
بالمقابل ممكن امين الشرطة ياخد اللى فية النصيب من السواق
طب موقف المحليات اللى الفساد وصل فيها للركب وفية انتخابات قادمة
المحليات فضلت ساكتة ساكتة
وعلى فكرة ممكن تكون الحكاية دة بتحصل فى اماكن مختلفة لكنى لم ادرى عنها شيئا
ما اهو انت اكيد اكيد فى مصر
طب الحل اية ؟؟؟؟
مش عارف ومنتظر حد يقولى
لما حد يقولك والنبى ابقى عرفنى
غلت عندنا كمان فى بورسعيد بس غلت 15 قرش طبعا بيدوخ السواق على فكه وبما اننا مشهورين بالنزاهه فبياخد ربع جنيه وخلاص
احلى سواقين فى الجمهوريه السائق البورسعيدى للامانه
بجد مش بهرج
تحياتى
ههههههههههههه لا ايه ده كلنا عايزين حلول
لاحول ولاقوة الا بالله
طيب نعمل ايه بس
حسبنا الله ونعم الوكيل
لو لقيت حل قولنا ربنا يكرمك
فهلوة الانسان المصري اللي ماشي علي نهج ... اللي تكسب به ألعب به
.
متتعبش نفسك
مش هتلاقى حل لأننا فى بلد بتاعة سواقين ميكروباصات ومعاهم أمناء الشرطة والاتنين عايشين على بعض .
ومش هتعرف تأدب أى حد فيهم لانهم بيحموا بعض.
مدونة جميلة واتنمى لك الاستمرار ,
واتمنى لك زيارة مدونتى وبالمرة تستلم التاج اللى أنا مجاوب عليه
مع خاص التوفيق