الضرائب مصلحتك أولا
Thursday, March 6, 2008 by سقراط
الضرائب مصلحتك أولاكما يزعمون
بصراحة انا كل شوية بلاقى هذا الاعلان الإستفزازى على التلفزيون اللى بطلة محمد شومان
ويطل علينا بان نعامل ضميرنا واننا نفتح صفحة جديدة مع الضرائب
وندفع الضرائب فى مواعيدها والا نهرب من دفع الضرائب
وكل دة لية
اصل الحكومة بتبنى مدارس بيها ومستشفيات وكبارى دة اهم حاجة طبعا
وكمان بدعم الاشياء الاستيراتيجية
هما اللى بيقولوا والله مش انا
طبعا الكلام دة بيضحك اوى
المدارس الطلبة مش بيتعلموا فيها وبيعتمدوا على الدروس الخصوصية وكمان المدارس قليلة علشان كدة بنجد اكثر من 60 طالب فى فصل واحد
المستشفيات اللى بيكلموا عنها الناس بتدخل فيها بتتسرق كليتها او احد اعضائها ومفيش رعاية كافية
وكمان الضرائب بيتمول بيها الجرائد القومية اللى هى اصبحت جرائد حكومية
والدعم اللى بيتكلموا علية مش صحيح إلا لو كانوا يقصدوا دعم مصر لاسرائيل الغاز الطبيعى لمدة 20 سنة بارخص من السعر المحلى
الشعب بيموت ومش لاقى شغل
وكل دة وعايزين كمان يدفعوا ضرائب
وكلة كوم وضرائب المبيعات كوم تانى
منك لله
انا بصراحة كل ما اجد فرصة للتهرب من الضرائب مش هفوتها علشان الحكومة بتسحقش
الضرائب حاليا اصبحت فى مصر توجة لخزائن المسئولين فى بنوك سويسرا
منك لله
حسبى الله ونعم الوكيل
ههههههه
شر الياليه مايضحك
فعلا الضرايب بيتبنى بيها حاات كتير صدقنى يعنى المستشفيات والمدارس بس بعد كده بيكون سوء استخدام او تخطيط يعنى تفتكر محطات المياه كمان بتتبنى منين رص الشوارع منين انت عارف متر الرصف للطرق بيكلف كام حوالى نص مليون علشان يطلع لك كده كامل طريق تمشى فيه كون الطلبه بيأخدوا دروس خصوصيه فده من الغباء والاعتماد على الغير المتأصل عندنا والاهمال طبعا الحكومه فيها اهمال بس موضوع الضرائب تقريبا اكتر حاجه ناجحه فى مصر
سبحان الله
لسة بعلفق عند مدونة من اجل الحب
بقلها مش هكتب اكتر من تعليق عشان الضرايب
جيت مدونتك لاقيتك كاتب
الضرايب مصلحتك اولا
هههههههههههههههه
هو بص الضرايب بيتعمل بيها حاجات مفيدة بس للاسف
زى ماابى قالت
سوء تخطيط
احنا مشهورين بيه اوى
تحياتى
الضرايب دى اكبر مهزلة فى بلدنا
خربت بيتنا مرتين تلاته
وجالنا محاضر بالحبس عشان رفضنا ندفع رشاوى
ومرة بقا من تلات سنين او اربعه كده قبل قانون ضرايب المبيعات الجديد ده
عملولنا ربط ضريبى فى الدورة الواحدة تلات اربع مليون جنيه
صدقنى مجموعة حرامية ولا اكتر
حبايبى الحلويين
ارحب بيكم فى مدونتى المتواضعة
يا جماعة انا مش معترض تماما على موضوع الضرائب
لانها بتهدف للصالح العام
وجزء هام فى الدخل القومى لمقاومة نفقات الحكومة
بس يا جماعة المشكلة ان الضرائب مش بيتعمل بيها كل حاجة للاسف
بيتسرق منها كتير اوى
وكمان الضرائب دة من واجباتنا طبعا
زى موضوع الخدمة العسكرية
طيب فين حقوقنا بقى ولا احنا علينا واجبات وملناش حقوق
اين المواطنة
المواطنة انى اتحمل بواجبات ويكون ليا حقوق
لكن فى مصر احنا علينا واجبات وملناش حقوق