لا لإهانة الطلبة من دكاترة الجامعة
Tuesday, March 11, 2008 by سقراط
موضوع هام وخطير وشائكعند انضمامى لكلية الاداب لاحظت مؤخرا ان بعض دكاترة الكلية تهين الطلبة وتسبهم
وطبعا انا مكنتش حاسس بكدة فى كلية الحقوق لان الدكاترة كانت بدرس لنا القانون ومكنتش تقدر تخالفة وكمان الدكاترة محترمة عندنا فى الكلية
وطبعا احنا مكناش هنسكت
لكن عند انضمامى مؤخرا لكلية الاداب لاحظت ان بعض الدكاترة تهين الطلبة وتسبهم
والطلبة للاسف بتخاف وتترعب من الدكاترة طبعا ظنا منهم انهم الهة لايجب مخالفتهم
او يخشون الرسوب فى الامتحان
اين الكرامة و عزة النفس
لا معنى لشهادة جامعية فى مقابل ان يفقد حاملها احترامة لنفسة ويفقد كرامتة
ولــــذا
بنـــــاء عليــــــــــة
قررت الاتى
انة لا تهاون بعد الان فى هذا الامر الخطير
وانا على اتم استعداد ان لو دكتور فكر يعمل دة معانا
هيبقى يوم اسود
اولاـ لو فكر ان يسبنى هذهب لقسم الجيزة لانه المختص وهعمل محضر
ثانيا ـ هاخذ نسخة من المحضر وهكتب شكوى منى او جماعية لكل الطلاب اللى بيتهانوا الى كلا من
عميد الكلية
رئيس الجامعة
وزير التعليم العالى
وذلك لكل من يسول له نفسة من الدكاترة ان يهين اى طالب
ولا يهم ان يفصلنى او ارسب فى الامتحان
فانا لا اخشى إلا الله
الكرامة فوق الجميع
وعلى ذلك اى طالب لا يسمح باهاناته انا عل ىاتم استعداد ان اساعدة للوصول الى حقة
إلا لو كان خايف من الدكتور ومش مهم عندة كرامته
وهذا لا يعنى اننا نحترمهم ونكن لهم كل احترام وتقدير لكن عن الاهانة لا تهاون
والله برافو عليك موقف ايجابى جدا تسلم ايدك عليه اوعى تفرط فى حقك بجد
برافو يا حسن
لازم يكون عندنا ثقافة اخد حقنا من و احنا فى الجامعه
لأن لو نشأنا على الخوف هيستمر على طول
كل تحياتى ليك
زى ما اتعودنا منك دايما مع الحق ضد الفساد
معلش مش راضى يفتح الأكونت بتاعى
مريم
يا عزيزى التعليم عندنا بقى عبارة عن أساتذة بلا ثقافة ولا فكر فقط ثقافة الدح والصم أو الواسطة وطلاب تربية الباب اللى يجيلك منه الريح وثقافة يا بخت من بات مغلوب
ولا أسوء من جاهل يعلم جبان
ولك كل التقدير على مدونتك الجميلة
.
عندك حق
ووقفة جيدة ضد الاهانة من أي شخص كان
.
تحياتي
.
شكرا ليك كلكم
واشكركم على تشجعيكم لى
ويارب اقدر اعمل حاجة بجد
ميكونش كلام وخلاص
المدونة اتشرفت بتعليقاتكم
اذا كنا بقينا بنتخلى عن ابسط حقوقنا وعن كرامتنا فطبعا مش بعيد علينا نتفرج على اخواتنا بيموتوا فى فلسطين
ونتفرج على رسولنا بيتهان واحنا بنتفرج
اذا كنا بنتفرج على نفسنا واحنا بنتهان
الله عليك ايوه كده كرمتك اهم من اى حاجه ولايضيع حق وراءه مطالب وربنا يحميك
تحياتى
لا والله وفى الحقوق كمان دكاترة زبالة فى جامعة القاهرة
دكتور غبى شتم بنت
لدرجة انى البنت انهارت وهو زى الحمار شغال يشتم فيها وفى اهلها
باقذر الشتايم
لو حصل مع اى حد حاجة زى كدة حقه طبعا يعمل محضر
حاجة اخر قلة ادب
من دكاترة المفروض قدوة
تحياتى ليك
كلام سليم ارفع شكوى لعميد او وزير التعليم العالى ويكون معك تضامن الطلبة كبير
وان شاء الله تأخد حق كل واحد اتظلم