مصر والقضية الفلسطينية




تزعم مصر انها تقف بجانب القضية الفلسطينية فالحقيقة التى يعلمها الجميع ان القضية الفلسطينة ليست بالجديدة فهى منذ أكثر من نصف قرن حوالى 60 عاما فماذا فعلت مصر منذ 60 عاما وحتى الآن لدعم القضية الفلسطينية ؟؟؟

مصر فى الحقيقة مشهود لها انها اكثر الدول تشجب وتدين !! فعند حدوث أى اعتداء على دولة عربية تسرع مصر بتصريحات الشجب والإدانة فعند وقوع الاعتداءات المستمرة من قبل اسرائيل على الفلسطنين تسرع مصر بالشجب والادانة وعند وقوع حرب امريكا على العراق اسرعت مصر ايضا بالشجب والادانة ولكن لم تفعل هذا الامر عند حدوث حرب لبنان لا أعرف لماذا فى الحقيقة ؟؟؟ !!!

إلى متى سوف نظل نشجب وندين 60 عاما من الشجب والادانة اهذا هو دور مصر فى القضية الفلسطينية !!! هذا هو دور مصر التى تشيد بة الدول الغربية الموالية للنظام الصهيونى ويشيد بة المسئولين المصريين فى كل مؤتمر او لقاء صحفى .


وعلى الجانب الاخر نجد العلاقة بين مصر واسرائيل متينة جدا , فمصر تورد الغاز الطبيعى لاسرائيل حتى تزدهر اسرائيل بمعنى ان اسرائيل تعتمد على حليفتها مصر فى توريد الغاز الطبيعى !! وايضا تعمل مصر على توليد الطاقة الكهربائية لاسرائيل !!! حتى تضيىء شوارع اسرائيل ويتمكنوا من الهجوم على الفلسطينين دون ظلام !!!

والفاجعة الكبرى هى اتفاقية الكويز فمصر متعاونة مع امريكا واسرائيل فى اتفاقية تبادل منتجات بين البلاد الثلاثة اى ان منتجاتنا تصل للإسرئيلين حتى تزدهر اسرائيل ولا تجوع اى اننا نساعد على بناء اقتصاد قوى لاسرائيل حتى تتمكن من القضاء على الفلسطينين !!!

أهذا هو دور مصر فى القضية الفلسطينية ؟؟!! هذا هو الدور التى يرددة المسؤلين فى مصر فى كل مؤتمر ولقاء قمة بينها وبين الدول العربية !!!
هذا هو الدور الذى يشيد رئيس الدولة والمسئولين فى الحزب الوطنى الديمقراطى ؟؟؟؟ !!!!

نحن قادمون يا فلسطين بعد ما نتخلص من ربقة الفساد المستفحل فى بلادنا .. قادمووون

5 التعليقات:

    أزيك يا حسن
    مبروك على المدونة
    بس أنا ليا عليها أعتراض انت منطلق من وجهة واحدة وهي طغيان النظام الحاكم
    ودة مش صح
    انت لازم تكون حيادي
    تذكر اللي ليه و اللي عليه أقصد النظام الحاكم
    كمان الاستفتاء اللي انت حاطه
    انت بتخلّي القاريء مقيد و انت اصلا حاكم على النظام الحاكم من خلال الاختيارات اللي انت حاطتها
    يا رب تقبل النقد بتاعي
    واختلاف الرأي لا يفسد للود قضية
    سلاااااامي ليك
    وعلى فكرة انت واحشنيييييييييييييييي
    جداااااااااا
    سلام

    معلش يا سحس انت عارف انا بحبك بس مقالتك بتاعت القضيه الفلسطينيه بدل على سطحيه معلوماتك وثقافتك وتهورك واخذك ببعض الاراء التى لا تسمن ولا تغنى من جوع كلها هتافات لا يوج لها اى سند سنقاتل من اجلك يا فلسطين وسندمر اسرائيل ولكن الذى يجب ليك معرفته انا اسرائيل دوله موجوده الان والفلسطينين الى انت عاوز تروح تحررهم وتنقذهم هم اول ناس بتاجر مع اسرائيل مش مصر واول ناس بتبعلوهم اى حاجه حتى بيبيعوا اخواتهمفما دور فلسطين للقضيه الفلسطينيه؟؟؟؟؟؟؟؟؟؟
    ان الله لا يغير ما بقوما حتى يغيروا مابانفسهم...

    حبيب قلبى
    محمد
    انت عندك حق فى حكاية التصويت دة فعلا وانا لغيتها وهضع تصويت جديد
    بالنسبة لطبيعة المقالات انت عندك حق طبعا ان فى ايجابيات بس المشكلة ان السلبيات اكتر بكتير فى البلد وانا هنا بذكر جميع السلبيات اللى كلنا نتمنى القضاء عليها يعنى مش معنى اللى انا بقولة دة يبقى الحكومة فاسدة من الاول والخر ومفيش حاجة صح فهمت قصدى
    وطبعا انا برحب بالنقد البناء جدا جدا جدا وقول رايك بصراحة ومتخفش
    وعلى فكرة انا بحترمك جدا وانت انسان فعلا محترم
    وانت واحشنى اكتر
    سلاااااااااام

    نائل حبيب قلبى
    طبعا دة شرف لى انك تزور المدونة وانك بتنقد وانا برحب جدا بالنقد عشان نقدر نعرف عيوبنا
    بص يا نائل انت طبعا عندك حق ان اسرائيل دولة وكبيرة جدا كمان ولو دخلنا حرب معاها هندمر بكل تاكيد
    لكن انا قصدى اننا مش هنروح نحارب يعنى لوحدنا اكيد هنكمل بعضنا مع الدول العربية او حتى لو محربناش يبقى منتعاونش مع اسرائيل يعنى نبقى محايدين مش نروح نساعدها
    بالنسبة ان فى فلسطنين بيتاجروا معاها دة اكيد فعلا بس كام واحد فلسطينى مش عشان قلة منهم نحكم على شعب باكملة يعنى لو كام واحد نفسة ضعيفة وتعاون معهم نروح حاكمين على البلد كلها انها بتاجر مع اسرائيل لا تنسى الاطفال الابرياء والنساء والشيوخ التى تموت كل يوم هناك
    وكمان لو فى ناس ممكن بتاجر معاها انت متعرفش ظروفهم اية ممكن يكونوا مضطرين عشان الحصار اللى عليهم

    ولاتنسى اخيرا ان تبتعد عن لغة التعميم
    وشكرا يا نائل على تشريفك لمدونتى المتواضعة

    On December 30, 2008 at 1:14 PM Anonymous said...

    مع الاسف كل شخص عايز يعرف الناس انه مطلع على القضايا اللى فى المنطقة بيسب فى مصر وبيقلل دورها عن جهل باريت قبل ما تكتب عن دور مصر وتقول شجب واستنكار ... مع العلم ان دا طابع عربى ودا اللى بيسفر عن لقاء جامعه الدول العربية انك تعرف مصر عملت ايه ياريت كل الموجودين يقروا فى الموقع اللى هابعته ليكم يمكن تقدروا مصر دورها ايه حيال القضية الفلسطنية http://www.sis.gov.eg/Ar/Politics/ForeignPolicy/InterIssues/palest/ مع تحياتى للجميع والدعاء لاهل غزة اهل العزة وياريت تسأل نفسك الاردن وسوريا ولبنان هل ليس لديهم حدود مع فلسطين ولا الحدود من جانب مصر بس

Blogger Templates by Blog Forum