عالــم غــريب

طبعا دة اغنية شيرين اكيد كلنا سمعناها وهى بتغنيها على شاطىء النيل

وطبعا سمعنا كتير ان اللى بيشرب من مياة النيل بيرجع مصر تانى

بس انا اشك فى كدة على ما اعتقد ان اللى بيشرب من مياة النيل بيرجعش خالص لانة بيكون مات اصلا هههه

طبعا انتم ممكن تستغربوا من كلامى وتتحاملوا على

طب انا هقولكم على حاجة

من زماااان وانا كنت فى ثانوى كنت باخد مادة الجيولوجيا والعلوم البيئية

عرفت ان مياة النيل عشان تكون صالحة للشرب لازم تمر بثلاث مراحل تكرير حتى تكون صالحة للشرب

والكارثة ان مياة النيل فى مصر يدوب بتعدى على مرحلة واحدة والله دة اللى خدتة

وكمان المصيبة اننا اكتر دولة بنضع نسبة عاليو جدا من الكلور فى المياة عشان احنا مش بنكررها وبنريح دماغنا ونحط كلور ومش بعد كدة حياة المصريين من شرب مياة النيل الملوثة

وانا كمان قرين فى جريدة الاخبار اللى هى جريدة قومية طبعا ان مصر بتصرف سنويا 2 مليار جنية علشان تعالج المصريين من الامراض الناتجة عن التلوث طب ما تتنقية مياة النيل ارخض مش عارف والله

وكمان خدوا عندك الكام معلومة دة على الماشى

يتعرض نهر النيل إلي صرف صناعي يحتوي علي مواد كيماوية وعناصر ثقيلة وذلك من خلال صرف 34 منشأة صناعية تقع علي ضفتيه وتقوم بالصرف المباشر بمخلفاتها السائلة علي نهر النيل بين أسوان والقاهرة .

ويتعرض النيل إلي استقبال صرف زراعي يقدر حجمه سنوياً بـ6 مليار متر مكعب والذي يحمل معه بقايا ومخلفات المبيدات والاسمدة الكيماوية المستخدمة في المحاصيل الزراعية .

ويصب في نهر النيل وعلي كل امتداده صرف الاستخدامات المنزلية من المياه العذبة وهو صرف غير معالج ويقدر حجمه بـ 1.7 مليار متر مكعب سنوياً وبالتالي فهو محمل بالعناصر الثقيلة . وعمليات الصرف السابقة التي تتم علي نهر النيل تتسبب بالطبع في تدهور نوعية المياه بنهر النيل والقضاء علي التنوع البيولوجي بما يعنيه ذلك وهو يحدث فعلاً القضاء علي الثروة السمكية بنهر النيل وهو الامر الذى ستتأثر به الصحة العامة للمواطنين ومواردهم الغذائية .

كل دة وعايزينا نشرب من نيلها

لو مش مصدقنى ممكن تعملوا تجربة بسيطة وهى انكم تضعوا قطعة قطن على صنبور المياة لاخر اليوم فقط وهتشوفوا النتيجة

هيجى واحد يقولى ممكن نجيب الجهاز اللى بينقى المياة

هرد علية واقولة طيب هات الجهاز بس مش التقليد يعنى ثمنة بيعدى الالف جنية ومينساش يجيب اكتر من واحد عندة فى البيت يحطة على كل صنيور مياة

وطبعا اوعى يشرب من اى مياة خارج المنزل ولو عطش وهو برة ممكن يرجع البيت يشرب وبعد كدة ينزل

او ممكن يجيب مياة معدنية بثلاث جنيهات او اكتر بس يخلى بالة لحسن دة كمان طلعت مغشوشة

الحل اية ؟؟؟؟

اننا من نشرب من نيلها ونموت بكرامتنا احسن ههههههه

لقد بات من الواضح انة لايوجد انتخابات حقيقية فى مصر فاصبح فى مصر يزور الحزب الحاكم انتخابات مجلس الشعب , المجالس المحلية , مجلس الشورى, انتخابات الرئاسة الجمهورية والاستفتاء على الدستور بل وصل الامر ان التزوير قد وصل الى انتخابات الاتحادات الطلابية فى الجامعات فاصبحت الانتخابات تتزور بالكامل .

وخير دليل على هذا هو ما تم فى الاستفتاء على الدستور من تزوير فالامن هناك كان لايدخل المواطن الى اللجنة الانتخابية لكى يمارسة حقة السياسى فى الانتخاب , ولذا كنت مصمم على الدخول حتى ذهلت انة لا يوجد اى فرد قام بالاستفتاء وكان المتبقى من انتهاء فترة الانتخاب نصف ساعة , وبالرغم من هذا تم اذاعة ان النتيجة النهائية هى الموافقة على التعديلات رغم عدم ذهاب المواطنين للاستفتاء , وكم من جرائم التزوير الاخرى وكان اخيرا هناك تزوير انتخابات المنيل فى مجلس الشعب لحساب الحزب البلطجى وفوز المرشح مجدى علام بالتزوير , وغيرها الكثير من التزوير فى الانتخابات التى لا اقدر على سردها بالكامل .

والان , ما نفعل من تحكم قلة مستبدة فى شعب بأكملة ويقوم بتمثيلنا فى المجالس النيابية من قبل لصوص وفاسدين من الحزب البلطجى , ولذا فانا اقترح ان يتم الغاء الانتخابات فى مصر ويقوم بتمثيلنا الفئة المستبدة الديكتاتورية بدون انتخابات ويمثلونا فى المجالس النيابية طالما ان الانتخابات يقومون بتزويرها حتى يعلم جيدا العالم الخارجى انة لايوجد انتخابات فى مصر وان مصر لا تمت باى صلة بالديمقراطية كما يزعم المنافقون من الحزب البلطجى .